Shon Kombs qamoqda shaxsiy rivojlanish kursi boshladi
Amerikalik reper va prodyuser Shon Kombs, taniqli P.Diddy, qamoqxonada “Diddydan hayot saboqlari” nomli shaxsiy rivojlanish kursini tashkil etdi. Bu haqda Zamin.uz xabar berdi.
Bu haqida The Wall Street Journal nashri ma’lumot berdi. Kurs doirasida reper mahbuslarga biznes yuritish, ijobiy fikrlash, mag‘lubiyatlarni qabul qilish, shaxsiy ehtiroslarni boshqarish hamda maqsadlarga erishish bo‘yicha maslahatlar beradi.
Bundan tashqari, raqobatda ustunlikka erishish sirlarini ham o‘rgatadi. Olti haftalik kurs davomida nazariy ma’ruzalar bilan birga amaliy mashg‘ulotlar ham o‘tkaziladi.
Hujjatlarda aytilishicha, dastur Shon Kombsning hayot yo‘lini — kamtarlikdan jahon miqyosida taniqli ishbilarmon va madaniy ramzga aylanishgacha bo‘lgan jarayonni o‘z ichiga oladi. Reperning advokatlari ta’kidlaganidek, Kombsning mahbuslarga yordam berish niyati sudda yengillashtiruvchi omil sifatida ko‘rib chiqilishi lozim.
U bu tashabbusni hayotidagi eng muhim va ta’sirli loyihalardan biri deb baholagan. Eslatib o‘tish joiz, iyul oyida sud hay’ati P.Diddyga nisbatan qaror chiqargan edi.
U ayollarni fohishalikka jalb qilishda ayblangan, biroq jinsiy savdo va jinoiy faoliyat tashkil etish bo‘yicha ayblovlardan oqlangan. Advokatlar suddan unga 14 oy qamoq jazosi tayinlashni so‘ragan bo‘lsa, federal prokurorlar esa Kombsni 11 yilga ozodlikdan mahrum etish va 500 ming dollar jarima solishni talab qilgan.
