Anjelina Joli sudda Bred Pittdan xarajat talab qildi

Gollivud aktyorlari Anjelina Joli va Bred Pitt o‘rtasidagi Château Miraval vino zavodiga oid sud jarayoni davom etmoqda. Bu haqda Zamin.uz xabar berdi.

Page Six nashrining xabariga ko‘ra, aktrisa yangi sud arizasi orqali ajralish jarayonidagi og‘ir va sirli tafsilotlarni oshkor qildi. Joli o‘z murojaatida eridan ajralish jarayonining o‘zi va farzandlari uchun katta ruhiy sinov bo‘lganini ta’kidladi.

Aktrisa suddan Bred Pittdan sud xarajatlari uchun 33 ming dollar undirib berishni so‘radi. U bu mablag‘ni sobiq turmush o‘rtog‘ining arizasiga javob berish uchun sarflashini bildirdi.

Joli aytishicha, u ajralish vaqtida Pittga yordam maqsadida Los-Anjelesdagi uyi va Miraval mulkini tovonsiz qoldirgan. Biroq, u va bolalari bu joyga qaytmagan, chunki u joy ularni og‘ir xotiralar bilan bog‘laydi.

Ma’lumotlarga ko‘ra, aktrisaning ko‘p mablag‘i Miraval loyihasiga sarflangan. U bolalar uchun nafaqa va moliyaviy yordamdan voz kechgan, o‘z ulushini sotishni yagona yechim deb hisoblagan.

Joli o‘z farzandlarining sog‘lig‘i uchun jiddiy tashvishga tushib, ularni ruhiy tiklash uchun ikki yil faoliyatini to‘xtatganini ham aytdi. 2017 yilda Joli Pittga oilaviy mulkdagi ulushini sotib olishni taklif qilgan, ammo muzokaralar muvaffaqiyatsiz yakunlangan.

Aktrisa Miraval uyi ularning hayot markazi bo‘lganini, shu yerda turmush qurganini va farzandlarini tarbiyalaganini esladi. Ushbu uydan ajralish esa ularning barchasi uchun katta sinov bo‘lgan.

Anjelina Joli va Bred Pitt 2006 yilda “Mr. & Mrs.

Smith” filmida tanishib, 2014 yilda turmush qurishgan. Biroq, 2016 yilda ularning nikohi tugatilgani ma’lum bo‘ldi.

Ajralish jarayoni 2023 yil avgust oyida rasman yakunlandi. Hozirda sobiq er-xotin o‘rtasidagi munosabatlar sovumagan.

Xabarlarga ko‘ra, Pittning olti farzandidan hech biri u bilan muloqot qilmaydi va ayrimlari otalarining familiyasini o‘z familiyasidan olib tashlagan.