Mashhur qo‘shiqchi va aktrisa Jennifer Lopez Brodvey sahnasida debyut qilish niyatida ekanligini ma’lum qildi. Bu haqda Zamin.uz xabar berdi.
Entertainment Weekly nashriga bergan intervyusida u uzoq yillardan beri teatrda o‘ynashni orzu qilganini, ammo oldin bandligi sabab bu istagini amalga oshira olmaganini ta’kidladi. Lopezning so‘zlariga ko‘ra, “O‘rgimchak ayol bo‘sasi” nomli yangi filmda suratga tushish jarayoni uni sahna hayotiga qaytishga ilhomlantirgan.
Rejissyor Bill Condon tomonidan suratga olingan ushbu filmda u Gollivud yulduzi Ingrid Luna rolini ijro etdi va bir nechta musiqiy chiqishlarni ham amalga oshirdi. Bu loyiha unga o‘z mahoratini eslab, uni yanada rivojlantirish imkonini berdi, dedi Jennifer.
San’atkor bolalik yillarida jazz, balet va Brodvey raqslarini o‘rganganini, keyinchalik hip-hop va ko‘cha raqslarini ham egallaganini aytdi. Musiqiy faoliyatini boshlaganda asosan shu yo‘nalishga e’tibor qaratgani uchun odamlar uni shu tarzda tanigan.
Shunga qaramay, Lopez endi Brodvey sahnasiga qaytishga qat’iy qaror qilganini bildirdi. U biroz sekinlashib, bir narsaga to‘liq e’tibor qaratish zarurligini ta’kidladi, ammo bu katta qaror ekanligini ham qo‘shimcha qildi.
