Jennifer Lopez va Ben Afflek premerada samimiy ko‘rinish berdi
Jennifer Lopez va Ben Afflek “O‘rgimchak ayol bo‘sasi” filmining premerasida birga ishtirok etdi va ijtimoiy tarmoqlarda katta qiziqish uyg‘otdi. Bu haqda Zamin.uz xabar berdi.
Sobiq turmush o‘rtoqlar nafaqat birga kelishdi, balki kameralar oldida quchoqlashib, samimiy holatda suratga tushishdi. Filmda bosh rolni ijro etgan Jennifer Lopez qora rangdagi gulli, o‘rgimchak siluetini eslatadigan ko‘ylak kiygan bo‘lsa, Ben Afflek qizil gilamda klassik ko‘k kostyumda paydo bo‘ldi.
Tomoshabinlarning eng ko‘p e’tiborini tortgan jihat ularning iliq va samimiy munosabatlari bo‘ldi. Ben Afflek Jenniferning beliga mehr bilan qo‘lini qo‘yib, unga muhabbat bilan qarayotgani ko‘zga tashlandi.
Muxlislar orasida turli fikrlar paydo bo‘ldi: “Ular munosabatlarga yana imkoniyat beradimi?”, “Bu muhabbat hali so‘nmagan”, “Ular doim bir-birlarini sevib qoladi”. Eslatib o‘tamiz, Lopez va Afflekning munosabatlari ilk bor 2001 yilda ma’lum bo‘lgan.
Ular unashtirilganini e’lon qilishgan, ammo turmush qurmagan. Yillar o‘tib, 2024 yilda yana birga bo‘lib, nikoh qurishdi, ammo 2025 yilda nikohlari rasmiy ravishda bekor qilindi.
Yaqinda bergan intervyusida Ben Afflek Jennifer Lopez bilan munosabatlarida muammolar yo‘qligini aytib, uni hurmat qilishini va hayotida muhim shaxs bo‘lib qolishini ta’kidladi.
