“O‘zbekiston — Oltin yo‘l” filmi premerasi e’lon qilindi
Bugun, 18 oktyabr kuni soat 19:00 da Britaniyaning nufuzli Channel 4 telekanalida “O‘zbekiston — Oltin yo‘l” nomli hujjatli filmning premerasi bo‘lib o‘tadi. Bu haqda Zamin.uz xabar berdi.
Ushbu film Strategik islohotlar agentligi va Turizm qo‘mitasi hamkorligida yaratilgan bo‘lib, unda O‘zbekistonning boy tarixi va tabiiy go‘zalliklari zamonaviy kinoeffektlar yordamida yoritiladi. Filmning muallifi Britaniyaning taniqli tarixchi olimasi, yozuvchi va teleboshlovchi Bettani Xyuz bo‘lib, u o‘zining “Jahon xazinalari” seriali doirasida ushbu kartinani suratga olgan.
Ma’lumotlarga ko‘ra, yaqin kunlarda “O‘zbekiston — Oltin yo‘l” filmi mamlakatimiz telekanallarida ham namoyish etilishi rejalashtirilgan. Ushbu loyiha O‘zbekistonning madaniy merosi va turizm salohiyatini xalqaro maydonda keng targ‘ib qilishga xizmat qiladi.
Film orqali tomoshabinlar mamlakatimizning tarixiy yodgorliklari, tabiat manzaralari va madaniy boyliklari haqida to‘liq ma’lumotga ega bo‘ladilar. Shuningdek, bu loyiha O‘zbekistonning turizm sohasidagi imkoniyatlarini dunyoga yanada yaqinroq tanitishga yordam beradi.
Hujjatli film mamlakatimizni jahon miqyosida tanitish va uning salohiyatini oshirishda muhim ahamiyat kasb etadi.
