Pi Diddi jazoni yengillashtirish uchun apellyatsiya berdi
Pi Diddi to‘rt yillik qamoq jazosidan so‘ng apellyatsiya berdi, deb xabar beradi TMZ. Bu haqda Zamin.uz xabar berdi.
Ijrochining advokatlari uni AQSh chegarasidan fohishalik maqsadida odamlarni noqonuniy olib o‘tish bilan bog‘liq ikki band bo‘yicha ayblovlarga qarshi apellyatsiya arizasi topshirgan. Shuningdek, ma’lum bo‘lishicha, prezident Donald Tramp joriy haftada reperga nisbatan jazoni yengillashtirishi mumkin.
Prezident bu masalada hali qaror qabul qilmagan, biroq Oq uyning ayrim xodimlari jazoni kamaytirishga qarshi chiqmoqda. Nashr manbalarining fikricha, oxir-oqibat Tramp o‘z qarorini mustaqil ravishda qabul qiladi.
Shu sababli, Pi Diddining yaqin haftalarda ozodlikka chiqarilishi kutilmoqda. Eslatib o‘tish joizki, sentabr oyida Nyu-York sudida hakamlar hay’ati Pi Diddini zo‘ravonlik va odam savdosida aybdor deb topgan va u hibsga olingan edi.
Bu holat reperning sobiq sevgilisi, qo‘shiqchi Kessi Ventura tomonidan sudga da’vo arizasi berilgach keng jamoatchilikka ma’lum bo‘ldi. Sud jarayonida shuningdek, reperning sobiq yordamchisi Kid Kadi ham guvoh sifatida ishtirok etdi.
Shon Kombsga nisbatan sud jarayoni taxminan ikki oy davom etdi. Musiqa magnatiga beshta modda bo‘yicha ayblovlar qo‘yildi, ulardan eng og‘irlaridan biri tovlamachilik va odam savdosi edi.
Ayblovlar asosida reperga umrbod qamoq jazosi tayinlanishi mumkinligi haqida ogohlantirish berilgan edi.
