Pi Diddi, asl ismi Shon Kombs, qamoqxonada hujumga uchradi. Bu haqda Zamin.uz xabar berdi.
Bu haqda uning do‘sti Charluchchi Finni Daily Mail nashriga ma’lum qildi. Finni so‘zlariga ko‘ra, u hujum vaqtida nima bo‘lganini aniq bilmaydi, ammo Kombs qarshilik ko‘rsatgan yoki qo‘riqchilar aralashgan bo‘lishi mumkin.
U taxminicha, hujumchi repperni o‘ldirishni maqsad qilmagan, balki mahbuslar o‘rtasida kelib chiqqan janjal sababli Kombsni qo‘rqitmoqchi bo‘lgan. Finni bu holatni “Keyingi safar omad sizga kulmasligi uchun ogohlantirish” deb baholadi, ammo u Shon Kombs uchun bunga imkon yo‘qligini ta’kidladi, chunki u Nyu-Yorkning Garlem tumanida o‘sgan va qiyinchiliklarga dosh berishga odatlangan.
Himoyachi Brayan Stilning sudga taqdim etgan ma’lumotlariga ko‘ra, aybdor Pi Diddga zarar yetkazish orqali o‘z maqomini oshirmoqchi bo‘lgan. 3 oktyabr kuni sud Shon Kombsni fohishalikka jalb qilish uchun odamlarni tashish ishi bo‘yicha to‘rt yil va ikki oyga ozodlikdan mahrum etdi hamda 500 ming dollar jarima belgiladi.
Shu bilan birga, prokurorlar repperga nisbatan 11 yillik qamoq jazosi tayinlashni so‘radi. Avvalroq sud Kombsga nisbatan qayta sud jarayonini o‘tkazish talabini rad etgan edi.
Advokatlar fikricha, hakamlar hay’ati ishni ko‘rib chiqishda noxolis bo‘lib, turli darajadagi ayblovlarni adolatli baholamagan.
