Toshkent va Termizda Yevropa kinosi festivali bo‘lib o‘tadi
7-9 noyabr kunlari Toshkentda, 12 noyabr kuni esa Termizda Yevropa kinosining o‘ninchi festivali o‘tkaziladi. Bu haqda Zamin.uz xabar berdi.
Bu yilgi festival Yevropa va O‘zbekiston o‘rtasidagi madaniy hamkorlikning o‘n yilligini nishonlashga bag‘ishlangan. Festival doirasida Yevropaning turli davlatlaridan jami 12 ta film tomoshabinlarga taqdim etiladi.
Tadbirning barcha ko‘rsatuvlari bepul tashkil etiladi. Filmlar o‘zlarining original tillarida namoyish qilinadi, ularga o‘zbek va/yoki rus tilida subtitrlar qo‘shib beriladi.
Toshkentdagi kinoko‘rsatuvlar Milliy kino san’ati saroyida (Navoiy ko‘chasi, 15) o‘tkaziladi. Termizdagi ko‘rsatuvlar esa Termiz kinoteatrida bo‘lib o‘tadi.
Festival san’ati ixlosmandlariga Yevropa madaniyatini yaqindan tanishish imkonini beradi.
