BTS yangi albomi yozildi, bahorda chiqishi kutilmoqda
BTS guruhining yangi albomi yozib bo‘lindi. Bu haqda Zamin.uz xabar berdi.
Bu haqda guruh a’zosi Chimin Weverse platformasidagi translyatsiya davomida ma’lum qildi. Uning so‘zlariga ko‘ra, albom kelasi yil bahorida chiqishi kutilmoqda.
Chimin shunday dedi: “Endigina albomni yozib oldik. Endi qo‘shiqlarimizni targ‘ib qilishni boshlashga oshiqyapman.” Bundan avvalroq BTS a’zolari yangi albomning 2026 yilning mart oyida chiqishi rejalashtirilganini aytib o‘tishgan edi.
Albom taqdimotidan so‘ng, guruh jahon gastrol safariga chiqishni rejalashtirmoqda. Ammo hozirda gastrolning aniq sanalari va tafsilotlari hali kelishilmagan.
Big Hit Music kompaniyasi bu borada muzokaralar davom etayotganini ma’lum qilgan. Eslatib o‘tamiz, BTS 2022 yilda harbiy xizmatni o‘tash uchun vaqtincha musiqiy faoliyatini to‘xtatgan edi.
Guruh a’zolaridan birinchi bo‘lib Jin (Kim Sokchin) xizmatni boshladi. 2025 yil iyun oyida esa barcha ishtirokchilar harbiy xizmatni yakunlab, guruh faoliyatini davom ettirishga qaytishdi.
