Sun’iy intellekt va mualliflik huquqi yuzasidan sud qarori.
AQSh Federal sudi tomonidan ChatGPT sun’iy intellekti asosida yaratilgan “Taxtlar o‘yini” turkumiga oid yangi asar g‘oyasi Jorj R. Bu haqda Zamin.uz xabar berdi.
R. Martinning mualliflik huquqlarini buzishi mumkinligi haqida qaror chiqarildi.
Ushbu holat adabiyotda sun’iy intellektning roli va mualliflik huquqlari masalasida jiddiy muhokamalarga sabab bo‘ldi. Bu haqda *Business Insider* xabar berdi.
Sud qarorida, agar sun’iy intellekt tomonidan yaratilgan kontent asl asarning muhim elementlarini takrorlasa, bu mualliflik huquqini buzilishiga tenglashtirilishi mumkinligi qayd etilgan. Sud hujjatida ta’kidlanishicha, “Aql-idrokli hakamlar hay’ati mazkur kontentni asl asarga sezilarli darajada o‘xshash deb topishi ehtimoldan xoli emas.” Mazkur ishda OpenAI va Microsoft kompaniyalari bir qator taniqli mualliflar, jumladan, Maykl Shebon, Ta-Nehisi Kouts va Sara Silverman tomonidan sudga berilgan.
Da’vogarlar sun’iy intellektni o‘rgatish jarayonida ularning asarlaridan ruxsatsiz foydalanilganini ta’kidlamoqda. Ularning fikriga ko‘ra, sun’iy intellekt tomonidan yaratilgan ayrim kontent mazmun va uslub jihatidan asl asarlarga juda o‘xshash.
Ishdagi muhim misollardan biri sifatida ChatGPT’dan “Qilichlar bo‘roni” asaridan farqli ravishda “Qirollar to‘qnashuvi” uchun davomiy asar yaratish so‘ralgan topshiriq keltirilgan. ChatGPT bunga javoban yangi qahramonlar va voqealar, jumladan, Targariyenlar merosxo‘ri Ledi Elara va ajdarlar bilan bog‘liq sehrni o‘z ichiga olgan hikoya versiyasini taqdim etgan.
Sudning fikricha, bunday elementlar “Muz va olov qo‘shig‘i” olamiga yaqin bo‘lib, mualliflik huquqlarini buzish ehtimoli mavjud. OpenAI va Microsoft vakillari ushbu masala bo‘yicha izoh berishdan bosh tortdi.
Sud jarayonining keyingi bosqichida, neyrotarmoqning “halol foydalanish” tamoyiliga asoslanishi ehtimoli ko‘rib chiqiladi.
