Netflix va Sony "K-Pop" filmining davomini yaratadi
Netflix va Sony kompaniyalari "K-Pop va demon ovchilari" animatsion filmining ikkinchi qismini yaratish bo‘yicha shartnoma imzoladi. Bu haqda Zamin.uz xabar berdi.
Bloomberg xabariga ko‘ra, yangi film 2029 yilda tomoshabinlarga taqdim etilishi rejalashtirilgan. Filmning rejissyorlari yana Kris Appelhans va Meggi Kan bo‘lishadi.
To‘rt yillik tanaffusning asosiy sababi animatsion loyihalar ustida uzoq vaqt davomida ishlash zarurati bilan bog‘liq. "K-Pop va demon ovchilari" filmining birinchi qismi 20-iyun kuni katta ekranlarga chiqarilgan va darhol xalqaro darajada ommalashib, hitga aylangan edi.
Netflix platformasida ushbu film 325 milliondan ortiq tomosha qilinib, striming xizmatining eng mashhur relizlaridan biriga aylangan. Filmning saundtreki ham katta muvaffaqiyatga erishgan.
Albom Billboard 200 chartida birinchi o‘rinni egallagan, ayrim qo‘shiqlar esa Billboard Hot 100 ro‘yxatiga kirgan. Hozircha ikkinchi qism kinoteatrlarda namoyish etiladimi yoki faqat striming platformasida taqdim etiladimi, bu borada rasmiy ma’lumot yo‘q.
Eslatib o‘tamiz, birinchi qism AQShda cheklangan miqdorda namoyish etilgan va taxminan 25 million dollar daromad keltirgan edi. Yangi qism ham muvaffaqiyatli bo‘lishi kutilmoqda.
