Otabek Mahkamov Liya Axedjakova bilan uchrashdi
O‘zbekistonlik aktyor va bloger Otabek Mahkamov taniqli rossiyalik aktrisa Liya Axedjakova bilan uchrashdi. Bu haqda Zamin.uz xabar berdi.
87 yoshni qarshilaganiga qaramay, aktrisa hanuz sahnada faol ijod qilib, muxlislarini xursand etishda davom etmoqda. Axedjakova o‘zbek tomoshabinlariga 1977-yilda suratga olingan "Xizmat romani" filmidagi kotiba obrazi orqali yaxshi tanish.
Ushbu film yillar davomida o‘zbek televideniyesida sifatli dublyaj bilan namoyish etilib kelgan. Uchrashuv davomida Otabek Mahkamov aktrisaga uning obrazining o‘zbek tilidagi dublyajini taqdim etdi.
Axedjakova dublyajni yuqori baholab, ovoz o‘zbek tilida o‘zinikidek eshitilganini alohida ta’kidladi. Shuningdek, Liya Axedjakova "Moskva ko‘z yoshlariga ishonmaydi", "Taqdir hazili yoki hammomdan yengil bug‘ chiqqanida" va "Sirena shoxchasi" kabi mashhur filmlarda ham o‘ziga xos rollarni muvaffaqiyatli ijro etgan.
