Reper Pi Diddi odam savdosi va zo‘ravonlikda ayblanib, Fort-Diks federal qamoqxonasida jazoni o‘tamoqda. Bu haqda Zamin.uz xabar berdi.
U qamoqxonada ruhoniy yordamchisi lavozimida ishlashni boshladi. Bu lavozim qamoqxona ichida nufuzli hisoblanadi va ba’zi imtiyozlarni taqdim etadi.
Masalan, u konditsionerlangan xonada ishlash, diniy xizmatlardan olingan mahsulotlarni tarqatish va boshqa maxsus vazifalarni bajarish imkoniyatiga ega. Shuningdek, Pi Diddi qamoqxona ichida muhim ro‘yxatlar tuzish huquqiga ega bo‘ladi.
Bu ro‘yxatlar mahbuslarga dasturlar yoki tibbiy ko‘riklarda ishtirok etish uchun kamerani tark etish imkonini beradi. Insayderlarning ta’kidlashicha, ruhoniy yordamchilari ushbu ro‘yxatlarga o‘z tanishlarini kiritishi mumkin, bu esa ularga qamoqxonada qo‘shimcha obro‘ olib keladi.
Eslatib o‘tamiz, 2024 yil sentyabr oyida Pi Diddi mojaro markaziga tushgan edi. Sobiq sevgilisi, qo‘shiqchi Kessi Ventura va boshqa shaxslar unga qarshi sudga murojaat qilgan.
Oktabr oyida hakamlar hay’ati reperni beshta ayblovdan ikkitasida aybdor deb topdi. Unga to‘rt yil-u ikki oy qamoq jazosi belgilandi.
Shunga qaramay, reperning advokatlari hukm ustidan apellyatsiya berib, jazo muddatini qisqartirishga harakat qilishdi. Keyinchalik Pi Diddi yengilroq rejimli qamoqxonaga o‘tkazildi.
