Munisa Rizayeva: Uslub ichki erkinlikdan boshlanadi
Xonanda Munisa Rizayeva o‘zining Instagram sahifasida moda va uslub haqida o‘z fikrlarini bildirdi. Bu haqda Zamin.uz xabar berdi.
U inson uslubi do‘konlardan emas, balki ichki his-tuyg‘ulardan kelib chiqishini ta’kidladi. "Bu sotib olib bo‘lmaydigan yagona narsa.
Bu sizni yorliqdagi narxidan qat’i nazar, o‘ziga xos uslubga ega qiladi. O‘ziga xoslik — bu trend emas, balki o‘z tanlovingiz.
Nusxalash emas, o‘z hikoyangiz. Standartlar emas, o‘z qulayligingiz," — deya yozdi xonanda o‘z postida.
Ushbu fikrlarini suratlar bilan birga ulashgan Munisa Rizayeva o‘ziga xoslik va shaxsiylikka urg‘u berdi. Xonandaning so‘zlariga ko‘ra, zamonaviy modaning eng asosiy qadriyati shaxsiylik va ichki erkinlikdir.
U kiyinishda eng muhim narsa — o‘zini qulay va erkin his qilish, boshqalarga o‘xshashga intilmaslik ekanini alohida ta’kidladi. Munisa Rizayeva o‘z postida inson o‘z uslubini yaratishda shaxsiy tanlov va ichki his-tuyg‘ulariga tayanishi lozimligini uqtirdi.
