Hande Erchel 32 yoshini nishonladi
Turk seriallari orqali tomoshabinlarning mehrini qozongan mashhur aktrisa va model Hande Erchel o‘zining 32 yoshini nishonladi. Bu haqda Zamin.uz xabar berdi.
U 1993-yilning 24-noyabrida tug‘ilgan bo‘lib, bugungi kunda Turkiyaning eng taniqli aktrisalaridan biri hisoblanadi. Hande hozirda Istanbul shahridagi Mimar Sinan Tasviriy San’at Universitetida an’anaviy turk san’ati yo‘nalishida tahsil olmoqda.
U 2012-yilda Ozarbayjonda o‘tkazilgan go‘zallik tanlovida ikkinchi o‘rinni egallab, e’tiborni qozongan. Aktrisaning ommalashuviga sabab bo‘lgan muhim rollardan biri “Guneshin Kizlari” serialidagi Selin Yılmaz obrazi bo‘ldi.
Mazkur serial Kanal D telekanalida namoyish etilgan. 2016-yilda esa Hande “Ashk Laftan Anlamaz” serialida Hayat Uzun rolini ijro etib, tomoshabinlar e’tirofiga sazovor bo‘ldi.
Hande Erchel nafaqat aktrisa, balki model sifatida ham faoliyat yuritib, ko‘plab reklama kampaniyalari va mashhur brendlar bilan hamkorlik qilgan. Bugungi kunda u millionlab muxlislar mehrini qozonib, ijodiy faoliyatini muvaffaqiyatli davom ettirmoqda.
