Alisher Uzoqov Aziz Rametovning hayotini saqlab qoldi
Aktyor Aziz Rametov yaqinda “IntervyuUZ” dasturida mehmon bo‘lib, “Zastava” seriali suratga olinayotgan paytda yuz bergan hayot-mamot voqeasini eslab o‘tdi. Bu haqda Zamin.uz xabar berdi.
Unga ko‘ra, o‘sha kuni aktyor Alisher Uzoqov uning hayotini og‘ir falokatdan saqlab qolgan. Aziz Rametov voqeani quyidagicha hikoya qiladi: “Alisher aka men uchun haqiqiy aka.
Serialda otda chopayotgan paytimiz ot charchadimi, bilmadim, lekin taqasi toshga sirg‘alib ketdi. Bir oyog‘i qiya holatga tushib, ot yiqilib ketmasin deb o‘zimni yon tomonga tashladim va egarni ushlab qoldim.
Shu payt qarasam, oldimizda katta xarsang tosh turgan ekan. Ot toshga urildi, bo‘ynim esa kosasidan chiqib ketdi.
Bir qo‘lim bilan egarni ushlab turdim, boshimni esa yelkamga qo‘ydim.” Uning aytishicha, aynan shu lahzada Alisher Uzoqov vaziyatni ko‘rib, otda chopib kelib yordam bergan: “Alisher aka ‘Aziz, ushla!’ deb otni to‘xtatib qoldilar. Shu payt Mansur aka ham ‘Azizjon ukam!’ deb yugurib keldi.
Alisher aka yig‘lab, Mansur akaga yordam so‘rab murojaat qildilar. Mansur aka darhol ratsiya orqali yordam chaqirdi.” Bundan tashqari, suratga olish guruhida tabiblik ilmini egallagan shaxs ham bo‘lgan.
U bo‘ynim kosasidan chiqqanini aniqlab, bosqichma-bosqich joyiga soldi. Aziz Rametov o‘sha paytda yana nafas ola boshlaganini ta’kidladi.
Aktyor ushbu voqeani eslar ekan, Alisher Uzoqovga hayotini saqlab qolgani uchun chuqur minnatdorchilik bildirdi. Ushbu hikoya tinglovchilarni hayajonga solib, ular orasida katta ta’sir qoldirdi.
