Mayli Sayrus Maks Morando bilan turmush quradi

Amerikalik taniqli xonanda va aktrisa Mayli Sayrus turmush qurishga qaror qilgani haqida ma’lum qildi. Bu haqda Zamin.uz xabar berdi.

U The Regrets guruhining sobiq a’zosi Maks Morando bilan oila qurmoqchi ekanini e’lon qildi. Yaqinda Mayli va Maks rejissyor Jeyms Kemeronning "Avatar: Olov va kul" filmining taqdimotida birgalikda ko‘rinish berishdi.

Ushbu tadbirda muxlislar Maylining nomsiz barmog‘idagi nikoh uzugiga e’tibor qaratishdi. Shunga qaramay, bu haqda avval hech qanday rasmiy ma’lumot berilmagan edi.

Mayli Sayrus uchun bu ikkinchi nikoh bo‘ladi. U bundan avval avstraliyalik aktyor Liam Hemsvort bilan turmush qurgan edi.

Ularning ajralishi Mayli uchun qiyin kechgani, xususan, uning “Flowers” nomli mashhur qo‘shig‘i ushbu munosabatlarga bag‘ishlangani orqali anglashiladi. Bugungi kunda Mayli va Maks yangi hayotga qadam qo‘yib, bir-birlariga muhabbat va qo‘llab-quvvatlashni namoyon etishmoqda.

So‘nggi xabarlarga ko‘ra, ularning nikohi keng omma e’tiboriga tushishi kutilmoqda.