Muqaddas Sa’dullayeva 35 yoshini nishonladi
6-dekabr kuni taniqli aktrisa Muqaddas Sa’dullayeva o‘zining 35 yoshini nishonladi. Bu haqda Zamin.uz xabar berdi.
San’atkor bu muhim kunni yaqinlari davrasida o‘tkazdi va ijtimoiy tarmoqlarda turmush o‘rtog‘i Yigitali Mamajonov tomonidan taqdim etilgan sovg‘a hamda samimiy tabrikni o‘z muxlislari bilan bo‘lishdi. Yigitali Mamajonov o‘z tabrigida quyidagi so‘zlarni yozib qoldirdi: "Bugun men uchun juda qadrli insonimning shukrona kuni.
Alloh sizni har doim sog‘lomlik, tinchlik va xursandchilikda asrasin. Ayollarimiz borligiga shukur.
Alhamdulillah." Muqaddas Sa’dullayeva esa turmush o‘rtog‘ining ushbu samimiy tabrigiga minnatdorlik bildirib, "Mehribonim, borizga shukur," deya javob berdi. Aktrisaning tug‘ilgan kuniga bag‘ishlangan ushbu post muxlislar tomonidan iliq kutib olindi.
Ko‘plab foydalanuvchilar o‘z tabriklari va ezgu tilaklarini yozib qoldirishdi. Muqaddas Sa’dullayevaning oila bag‘ridagi baxtli onlari kuzatuvchilar tomonidan ijobiy baholandi.
