“Setora” guruhi haqida so‘nggi kunlarda tarqalgan mish-mishlar muxlislar orasida katta qiziqish uyg‘otdi. Bu haqda Zamin.uz xabar berdi.
Jumladan, guruh a’zosi Komila Xo‘jayevaning jamoani tark etishi haqida turli gap-so‘zlar ijtimoiy tarmoqlarda keng muhokama qilindi. Biroq xonandaning o‘zi bu masalaga aniqlik kiritib, tarqalgan ma’lumotlarning haqiqatga mos emasligini bildirdi.
Komila Xo‘jayeva o‘z murojaatida shunday dedi: “Bu mish-mishlarni biz tarqatganimiz yo‘q. Men guruhda qolaman va ijodiy faoliyatimizni davom ettiramiz.
Faqat hozirda sog‘lig‘im bilan bog‘liq muammolar tufayli konsertlarda ishtirok eta olmayapman. Holatimni to‘g‘ri tushunasizlar, degan umiddaman.” Shuningdek, u guruh a’zolariga muvaffaqiyat tilab, yaqin vaqt ichida sahnaga qaytishini ma’lum qildi.
Xonandaning bu bayonoti muxlislar tomonidan iliq kutib olindi va ularning ko‘nglini xotirjam qildi. Shu tariqa, tarqalgan asossiz mish-mishlarga nuqta qo‘yildi.
