2025-yilning eng yaxshi 10 seriali e’lon qilindi
Variety nashri 2025-yilning eng yaxshi 10 ta serialini e’lon qildi. Bu haqda Zamin.uz xabar berdi.
Tanlovda turli janrlardagi loyihalar o‘rin olgan bo‘lib, ular inson hayotining turli qirralarini aks ettiradi. Nashr xabarida ayrim seriallar tomoshabinlarni mistika, fantastika va stress mavzulariga olib kirgani, boshqalari esa jamiyatning dolzarb muammolari, insoniy munosabatlar va ichki ziddiyatlar haqida o‘ylashga undagani ta’kidlangan.
Reytingning birinchi pog‘onasida Netflix platformasida namoyish etilgan “O‘tish davri” miniseriali joylashdi. Serial 13 yoshli o‘smirning sinfdoshini vahshiylarcha o‘ldirishda ayblangani haqida hikoya qiladi.
To‘rt qismdan iborat ushbu loyiha har bir epizodni bitta kadrda suratga olish orqali tomoshabinda voqealar markazida bo‘lish hissini uyg‘otadi. Ikkinchi o‘rinni HBO Max platformasida namoyish etilgan “Pitt kasalxonasi” seriali egalladi.
Ushbu tibbiy drama zamonaviy tibbiyotning murakkabliklari, shifokorlar va bemorlar o‘rtasidagi munosabatlarni ko‘rsatadi. Serial 2025-yilgi Oltin globus mukofotining “Eng yaxshi dramatik serial” nominatsiyasiga ham nomzod bo‘lgan.
Uchinchi o‘rinda Netflix platformasidagi “Bir umr sen bilan” seriali joylashgan. Mazkur loyiha bolalikdagi do‘stlik, birinchi sevgi va o‘sish jarayonidagi hissiy ziddiyatlarni yoritib, tomoshabinlarda katta qiziqish uyg‘otdi.
Eng yaxshi seriallar reytingi quyidagicha: 1. “O‘tish davri” (Netflix) 2.
“Pitt kasalxonasi” (HBO Max) 3. “Bir umr sen bilan” (Netflix) 4.
“Jannat” (Hulu) 5. “U: Derriga xush kelibsiz” (HBO) 6.
“Chet ellik: Mening qonimdan qon” (Starz) 7. “Mingta zarba” (Hulu) 8.
“Zulmatda” (Netflix) 9. “Oltin asr” (HBO) 10.
“Merdo: Oilaviy o‘lim” (Hulu) Mazkur seriallar 2025-yilda nafaqat tomoshabinlar e’tiborini qozondi, balki turli tanqidiy baholarda ham yuqori o‘rinlarni egalladi.
