Trampning Minecraft qahramoni Oq uyda namoyish qilindi

AQSh Prezidenti Donald Trampning Minecraft o‘yinidagi qahramoni tasviri Oq uy tomonidan e’lon qilindi. Bu haqda Zamin.uz xabar berdi.

Ushbu rasm Oq uyning rasmiy ijtimoiy tarmoqlarida joylashtirilib, unga “Amerikadagi eng kuchli geymer Prezident!” degan yozuv ham ilova qilingan. Mazkur e’lon AQShda raqamli texnologiyalar sohasidagi ishlab chiqarish va tadqiqotlarni qo‘llab-quvvatlash maqsadida berilgan soliq imtiyozlari haqida xabar berish doirasida taqdim etildi.

Ushbu imtiyozlar videoo‘yinlar ishlab chiqarish hajmini oshirishga xizmat qilgani ta’kidlangan. Minecraft – bu kub shaklidagi bloklardan tashkil topgan, o‘yinchilarni yaratilgan dunyolarni o‘rganish, qurish, omon qolish va o‘z ijodiy loyihalarini amalga oshirishga undaydigan o‘yin.

Ushbu o‘yin nafaqat ko‘ngilochar platforma sifatida, balki ta’lim sohasida ham keng qo‘llanilib kelmoqda. O‘yin o‘zining ochiq dunyo va ijodiy imkoniyatlari bilan foydalanuvchilar orasida katta mashhurlikka ega.