Portugaliya terma jamoasi va "Al-Nassr" klubi sardori Krishtianu Ronaldu mashhur "Forsaj" filmi franshizasining yangi qismida ishtirok etishi mumkin. Bu haqda Zamin.uz xabar berdi.
Bu haqda taniqli aktyor Vin Dizel o‘zining ijtimoiy tarmoqdagi sahifasida ma’lum qildi. Vin Dizelning so‘zlariga ko‘ra, muxlislar Ronalduning "Forsaj" filmida paydo bo‘lishini ko‘p marotaba so‘rashgan.
Aktyor bu istakni inobatga olgan holda, futbolchi uchun maxsus rol yozilganini aytib o‘tgan. U, shuningdek, mazkur yangilikni Ronalduning surati bilan birga e’lon qilgan.
Ma’lumotlarga ko‘ra, "Forsaj"ning 11-qismi 2026-yilda katta ekranlarga chiqarilishi rejalashtirilgan. Krishtianu Ronalduning ushbu loyihada qatnashishi haqidagi xabar muxlislar orasida katta qiziqish uyg‘otmoqda.
Bu esa filmga bo‘lgan e’tiborni yanada oshirishi kutilmoqda.
