Aktrisa va dizayner Shahzoda Muhammedova jurnalist Yulduz Mavliyanova bilan o‘tkazilgan suhbatda shaxsiy hayoti va farzand tarbiyasiga oid fikrlarini o‘rtoqlashdi. Bu haqda Zamin.uz xabar berdi.
Suhbat davomida unga qizi Milanani ishlarga va suratga olish jarayonlariga olib borishi sababiga oid savol berildi. Aktrisaning so‘zlariga ko‘ra, qizi ona suti bilan oziqlanishni tanlagan va u Milanani 3,5 yoshgacha emizgan.
Shu sababli qizi bilan ishlarga ham birga borishga majbur bo‘lgan. Hatto ba’zi paytlarda mashina boshqarayotib, bir qo‘li bilan qizini emizganini ham aytib o‘tdi.
Shahzoda bu davrni juda og‘ir kechganini ta’kidladi. U farzandlarini parvarishlashdagi tajribalari o‘rtasidagi farqlar haqida ham so‘z yuritdi.
Aktrisaning aytishicha, qizi ona suti bilan oziqlangani holda tez-tez kasal bo‘lgan va pediatrlarga murojaat qilishlariga to‘g‘ri kelgan. Aksincha, o‘g‘li ona suti o‘rniga smes bilan oziqlangan bo‘lsa-da, sog‘lom va kam kasal bo‘lgan.
Shahzoda Muhammedova jamiyatda keng tarqalgan "ona suti bilan oziqlangan bola sog‘lom bo‘ladi" degan fikrni o‘z tajribasi asosida shubha ostiga oldi. Unga ko‘ra, bu holat har doim ham to‘g‘ri bo‘lavermaydi.
Shu tariqa, aktrisa ona suti haqidagi umumiy qarashlarga nisbatan o‘zining shaxsiy kuzatuvlarini bildirdi.
