Oliy sud xonanda Larisa Dolinaning o‘z kvartirasini ruhiy holatining o‘zgarishi sababli sotganini aniqladi. Bu haqda Zamin.uz xabar berdi.
Sud qarorida qayd etilishicha, Dolina firibgarlar bilan muloqot qilishdan avval ruhiy kasallikdan aziyat chekmagan. Biroq, firibgarlarning ta’siri ostida bo‘lgan va ma’lum shaxsiy xususiyatlari tufayli ruhiy holatida o‘zgarishlar yuz bergan.
Ekspertiza xulosasida jabrlanuvchining psixologik xususiyatlari, jumladan, uning yosh guruhi, xavfsizlik qadriyatlari va fikrlash tarzi firibgarlar ta’siriga tushishiga sabab bo‘lgani ta’kidlangan. Shunga qaramay, Oliy sud bunday holatni bitimni bekor qilish uchun yetarli asos deb topmadi.
2024 yil yozida Larisa Dolina qiymati 138 million rubl bo‘lgan kvartirasini 34 yoshli yolg‘iz ona Polina Luryega sotgan. Biroq, bu bitim firibgarlar ta’sirida amalga oshirilgani aniqlangach, 2025 yil mart oyida sud bitimni bekor qildi va mulkni Dolinaga qaytarishga qaror qildi.
Natijada xaridor Polina Lurye nafaqat sarflagan pulidan, balki kvartirasidan ham mahrum bo‘ldi. Luryening qarshi da’vosi sud tomonidan rad etildi.
Mazkur voqea jamoatchilik orasida keng muhokamalarga sabab bo‘ldi. Ayrim ijtimoiy tarmoq foydalanuvchilari Dolinani tanqid qilishdi va uning konsertlarini boykot qilishga chaqirishdi.
Bu voqeadan so‘ng "Dolina effekti" atamasi paydo bo‘lib, sotuvchi o‘z harakatlaridan bexabar yoki layoqatsiz deb topilgan holatlar uchun ishlatila boshlandi. Shu kabi holatlar bo‘yicha Rossiya sudlari ilgari 3000 dan ortiq bitimlarni bekor qilgani ma’lum qilingan.
