“Juda g‘alati ishlar” finaliga ishoralar qilindi
“Juda g‘alati ishlar” seriali ijodkorlari, aka-uka Dafferlar, Jimmi Fellon shousida serialning yakunlanishiga ishora qilishdi. Bu haqda Zamin.uz xabar berdi.
Ular Funko Pop o‘yinchoqlari yordamida mini sahna ko‘rinishini namoyish etishdi. Sahna davomida ular o‘yinchoqlarni turli holatlarda joylashtirib, serialdagi voqealarga ishoralar qilishdi.
Masalan, Uillni Genrining ustiga, Veknani esa Uillning ustiga qo‘ydilar. Stivning haykalchasini stol chetiga qo‘yib, keyin uni polga itarib yuborishdi.
Bu sahna ayrim muxlislar orasida Stivning finaldagi o‘limiga ishora sifatida qabul qilindi. Boshqa tomondan, ba’zi tomoshabinlar buni mashhur fan nazariyalariga kinoya deb hisoblashdi.
Serialning beshinchi mavsumi oxirgi mavsum bo‘lib, uning birinchi qismi 26-noyabr kuni namoyish etildi. Ikkinchi qismi 25-dekabr kuni chiqadi, final epizodi esa 31-dekabrda efirga uzatiladi.
Aka-uka Dafferlarning aytishicha, yakuniy qismlarni suratga olish uchun bir yil vaqt sarflangan va jami 650 soatdan ortiq material yozib olingan. Beshinchi mavsum serialning eng keng qamrovli mavsumi bo‘lib, undagi har bir epizod to‘laqonli blokbaster sifatida yaratilgan.
Shuningdek, ijodkorlar serial tugaganidan keyin ham loyiha davom etishini, Netflix platformasi bilan spin-offlar ustida ishlashni rejalashtirishayotganini ma’lum qilishdi.
