Feruza Normatova turmush o‘rtog‘i bilan tanishuv sirlarini oshkor qildi
Mashhur aktrisa va bloger Feruza Normatova o‘zining Instagram sahifasida muxlislaridan kelgan savollarga ochiq va samimiy javob berdi. Bu haqda Zamin.uz xabar berdi.
Kuzatuvchilardan biri unga: “Qanday qilib aynan shu inson turmush o‘rtog‘ingiz bo‘lishi kerakligini tushundingiz?” degan savolni berdi. Feruza Normatovaning aytishicha, u hayotida eng og‘ir va himoyaga muhtoj bo‘lgan davrda bo‘lajak turmush o‘rtog‘ining haqiqiy mehrini va e’tiborini his qilgan.
Aktrisaning so‘zlariga ko‘ra, u fevral oyida boshqa mamlakatda bo‘lgan bo‘lsa-da, uni qo‘llab-quvvatlagan. Shu voqeadan so‘ng, turmush o‘rtog‘i olti oy davomida Feruzani kuzatib kelgan.
Avgust oyining oxirida esa u aktrisani uchrashuvga taklif qilgan. Feruza uning o‘z vaqtida ko‘rsatgan e’tiboridan ta’sirlanib, taklifni qabul qilganini aytadi.
Uchrashuvga esa dugonasi bilan birga borgan. Shuningdek, muxlislar “Siz bu insonni umr yo‘ldoshim, deb o‘ylaganmisiz?” degan savolni ham berishdi.
Aktrisa bu savolga javoban, bunday fikr o‘ylashga ulgurmaganini ta’kidladi. Uchrashuvdan keyin erkak unga uylanish niyatini bildirgan.
Feruza uchun esa eng muhim narsa ota-onasining roziligi bo‘lgani uchun, bo‘lajak turmush o‘rtog‘i atigi to‘rt kun ichida otasining roziligini olgan. Bundan tashqari, turmush o‘rtog‘i unga qat’iyatli va jiddiy munosabat bildirganini, bu esa aktrisani hayratga solganini aytadi.
Suhbat davomida Feruza Normatova ijodiy faoliyatiga oid muhim qarorini ham e’lon qildi. U endilikda vaynlarda ishtirok etmasligini va faqat turmush o‘rtog‘i uchun rol ijro etishini ma’lum qildi.
