“Setora” konsertida Layloning tryuki hayratga soldi

Afsonaviy “Setora” guruhi 18–21-dekabr kunlari Toshkentdagi “Xalqlar do‘stligi” san’at saroyida katta konsert dasturini taqdim etdi. Bu haqda Zamin.uz xabar berdi.

Ushbu musiqiy tadbir bir necha kun davomida o‘tkazilib, retro taronalar, jonli ijrolar va kutilmagan sahna chiqishlari bilan tomoshabinlar e’tiborini tortdi. Konsertning eng ko‘p muhokama qilingan qismi guruh a’zosi Layloning sahnadagi xavfli tryuki bo‘ldi.

Ushbu chiqish ijtimoiy tarmoqlarda keng muhokamalarga sabab bo‘ldi. Guruh a’zosi Feruza Latipova Layloning bu harakatiga o‘z munosabatini bildirib, uning tayyorgarlik jarayoni haqida ma’lumot berdi.

Feruza Latipovaning ta’kidlashicha, Laylo ushbu tryukni bajarish uchun oldindan jiddiy mashg‘ulotlar olib borgan. Xonanda muntazam sport mashg‘ulotlari bilan shug‘ullanib, gimnastikadan saboq olgan va sahna uchun zarur bo‘lgan jismoniy hamda texnik tayyorgarlikni oshirgan.

Feruza Latipova Layloning bu chiqishini O‘zbekiston estrada sahnasida noyob hodisa sifatida baholadi. “Estradamizda homilador holatda sahnaga chiqqan birinchi xonanda men bo‘lganman.

Laylo esa sahnada tryuk bajargan birinchi xonanda bo‘ldi. Bu juda murakkab ish.

Buning uchun maxsus libos, jismoniy tayyorgarlik va, albatta, jasorat talab etiladi”, — deydi Feruza Latipova.