“Uyda yolg‘iz” filmi uchun ulkan shirin uy qurildi
“Uyda yolg‘iz” filmining 35 yilligi munosabati bilan Disney+ kompaniyasi Los-Anjeles shahrida film tarixidagi eng mashhur uylardan biriga e’tibor qaratdi. Bu haqda Zamin.uz xabar berdi.
Ushbu tadbir doirasida kompaniya shirin xamirdan ulkan uy qurib, jahon rekordini o‘rnatdi. Mazkur inshootning balandligi 8 metrni, uzunligi esa 18 metrni tashkil etdi.
Muz bilan qoplangan shirin uy Ginnes rekordlar kitobiga tarixdagi eng katta shirin xamirli uy sifatida kiritildi. Uyni yaratishda juda ko‘p miqdorda un, tuxum, maxsus shirin “g‘isht”lar, yeyiladigan yelim va shakarli fondant ishlatilgan.
Disney+ rahbariyatiga ko‘ra, ushbu loyiha bayramona kayfiyat va oilaviy an’analarni ifoda etish maqsadida amalga oshirilgan. Tadbir davomida mehmonlar filmda mashhur bo‘lgan “A Lovely Cheese Pizza”ni tatib ko‘rish imkoniyatiga ham ega bo‘lishdi.
Bu bayramona loyiha ko‘pchilikning bolalik xotiralarini yana bir bor yodga soldi va ularga shirin ta’m bag‘ishladi.
