Aktrisa Yulduz Rajabova o‘quvchilariga qaysi kitoblarni o‘qishni tavsiya etishini so‘rashganda, u bu borada o‘zining samimiy va qiziqarli fikrlarini bildirdi. Bu haqda Zamin.uz xabar berdi.
Unga ko‘ra, janr muhim emas, asosiysi, kitobning hikoyasi qiziqarli bo‘lishi kerak. Yulduz Rajabova hozirgacha o‘qib chiqqan va tavsiya qiladigan uchta kitobni alohida ta’kidladi.
Birinchi o‘rinda "Ibtido" asarini tilga oldi. U bu kitobni yaqinda o‘qib chiqqanini va syujeti uni oxirigacha o‘ziga jalb qilganini aytdi.
Ikkinchi tavsiya — "Bin Muhtashem Gunesh". Bu asarni aktrisa hozirda turk tilida o‘qiyotganini va undagi hissiyotlar uni chuqur o‘ylantirganini ta’kidladi.
Uchinchi tavsiya esa ayniqsa qizlar uchun qiziqarli bo‘lib, Sara Jio asarlarini o‘qishni tavsiya qildi. Uning fikricha, Sara Jioning kitoblari hissiy jihatdan boy bo‘lib, o‘quvchini befarq qoldirmaydi.
Yulduz Rajabova o‘zi asosan qog‘oz kitoblarni afzal ko‘rishini aytib o‘tib, qog‘oz kitoblarning o‘ziga xos hidi va ularni qo‘lda ushlab o‘qish zavqi haqida gapirdi. Shuningdek, u o‘zbek, rus va turk tillarida kitoblar o‘qishini ham qo‘shimcha qildi.
