Farangiz Abdazova tanqidlarga ochiq javob berdi

Aktrisa Farangiz Abdazova ijtimoiy tarmoqlarda o‘ziga nisbatan bildirilgan tanqidlarga javob berdi. Bu haqda Zamin.uz xabar berdi.

Unda uni "qishloqqa kelin bo‘lgan" deb tanqid qilganlar bor edi. San’atkor bu kabi fikrlarni asossiz deb atab, o‘z kelib chiqishi haqida ochiq gapirdi.

“Men o‘zim qishloqda tug‘ilib o‘sgan qizman. Hatto tappi yopib katta bo‘lganman.

Buni hech qachon kamchilik deb bilmaganman,” — deydi aktrisa. U o‘z hayot tajribasidan kelib chiqib, qishloqda ulg‘ayganlikni faxr deb bilishini ta’kidladi.

Farangizning so‘zlariga ko‘ra, u kelin bo‘lib tushgan xonadonning sharoiti o‘zi ulg‘aygan oilaning sharoitidan ancha yaxshi. Aktrisa uchun insonning kelib chiqishi emas, balki uning tarbiyasi, mehnatsevarligi va hayotga bo‘lgan munosabati muhim.

U qishloqda tug‘ilib o‘sganlik hayotdagi muvaffaqiyatlarga to‘sqinlik qilmasligini alohida qayd etdi. Eslatib o‘tamiz, Farangiz Abdazova MY5 telekanali boshlovchisi Sirojiddin Hoshimjonov bilan suratga olish jarayonida tanishgan.

Ularning munosabatlari iliq bo‘lib, bir-birlarini yoqtirib qolishgan. Joriy yilda ular rasman nikohdan o‘tib, oila qurdilar.