Munisa Rizayevaga noodatiy sovg‘a taqdim etildi
Mashhur xonanda Munisa Rizayeva ijtimoiy tarmoqlardagi navbatdagi videosi bilan yana e’tiborni tortdi. Bu haqda Zamin.uz xabar berdi.
U yaqin dugonasidan olgan noodatiy sovg‘ani kuzatuvchilari bilan bo‘lishdi. Videoda Munisaga chiroyli tarzda bezatilgan sovg‘a qutisi taqdim etilgani ko‘rinadi.
Xonanda dastlab qutida qandaydir qimmatbaho buyum bor deb o‘ylaydi. Ammo sovg‘a qutisini ochganida ichidan 5 pachka 2 ming so‘mlik kupyura chiqadi.
Bu holat Munisani kuldirib yuboradi. U hazil aralash tayyorlangan ushbu sovg‘ani samimiy qabul qilib, o‘zining quvonchini yashira olmaydi.
Mazkur video ijtimoiy tarmoq foydalanuvchilari orasida ham katta qiziqish uyg‘otdi. Ko‘pchilik ushbu sovg‘ani ijodkorona hazil sifatida baholab, bunday sovg‘alar do‘stlikni mustahkamlashini ta’kidladi.
Ayrimlar esa “Qimmat sovg‘alardan ko‘ra, kayfiyat ko‘targan sovg‘a yaxshiroq”, degan fikrlarini izohlarda qoldirdi. Munisaning samimiy kulgisi va bu noodatiy sovg‘a ko‘pchilikning yuziga tabassum ulashdi.
