Saida Rametova: "2025 yil men uchun unutilmas bo‘ldi"
O‘zbekiston xalq artisti Saida Rametova 2025 yilni unutilmas va barakali yil sifatida esladi. Bu haqda Zamin.uz xabar berdi.
Aktrisa yil yakunida o‘z hayotidagi eng muhim va quvonchli voqealar haqida samimiy fikrlarini bildirib o‘tdi. "Juda yaxshi yil bo‘ldi, hamma narsa muvaffaqiyatli kechdi.
Nihoyat, xalq artisti unvoniga ham sazovor bo‘ldim. O‘zimni baxtli san’atkor va baxtli ayol deb hisoblayman", — dedi Saida Rametova.
Uning aytishicha, 2025 yil nafaqat ijodiy yutuqlar, balki oilaviy hayotdagi muhim voqealar bilan ham esda qolarli bo‘ldi. Aktrisa bu yil buvijon bo‘lib, katta nevarasini uzatganini quvonch bilan tilga oldi.
Shuningdek, Saida Rametova oilasidagi fayz va baraka haqida ham so‘z yuritdi. "Turmush o‘rtog‘im 70 yoshga to‘ldi, men esa 68 yoshdaman.
Oilamiz tinch va osoyishta. Eng muhimi, ijodiy faoliyatim hamon davom etmoqda", — dedi u.
Yil yakunida aktrisa o‘z muxlislarini Yangi yil bayrami bilan tabriklab, ularga sog‘lik, xotirjamlik va baxt tiladi.
