Yulduz Usmonovaning ajrashish haqidagi fikrlari muhokamada
Yulduz Usmonovaning ajrashgan ayollar haqida bildirgan fikrlari ijtimoiy tarmoqlarda keng muhokama qilindi va keskin tanqidlarga sabab bo‘ldi. Bu haqda Zamin.uz xabar berdi.
Xonandaning videoda aytgan o‘xshatishlari ko‘pchilik tomonidan kamsituvchi sifatida qabul qilindi va salbiy munosabatlarga olib keldi. Mazkur holat bo‘yicha keng muhokamalar ortidan Yulduz Usmonova o‘z fikrlariga izoh berdi.
Uning aytishicha, so‘zlari aslo haqorat yoki kamsitish maqsadida aytilmagan. Xonanda quyidagicha izoh berdi: “Kim o‘rmonda yo‘qolgan bo‘lsa, bu uning o‘zining ishi.
Yo‘qolganni ushlab bo‘lmaydi. Lekin saqlab qolish mumkin bo‘lgan oilalarni saqlab qolaylik, degan niyatda gapirdim.” Shuningdek, Usmonova oila qadriyatlarini asrash masalasini alohida ta’kidlab, quyidagicha fikr bildirdi: “Yolg‘izlik Allohga yarashadi.
Shuning uchun oilalarni asraylik, insonlar baxtli bo‘lishsin. Ilohim, 2026 yilda ajrashishlar kamayadi.” Uning bu izohi turlicha qarshilandi.
Ayrimlar xonandani qo‘llab-quvvatlagan bo‘lsa, boshqalar bunday mavzularda ehtiyotkorlik bilan fikr bildirish zarurligini ta’kidlashdi. Mazkur voqea jamiyatda oila masalalarining dolzarbligini yana bir bor ko‘rsatdi.
