“Avatar 3” qisqa muddatda 760 mln dollar yig‘di
2025 yil 29 dekabr kuni e’lon qilingan ma’lumotlarga ko‘ra, Jeyms Kemeron tomonidan suratga olingan “Avatar: Olov va kul” filmi qisqa vaqt ichida katta moliyaviy muvaffaqiyatga erishdi. Bu haqda Zamin.uz xabar berdi.
Franshizaning uchinchi qismi atigi ikki hafta ichida dunyo bo‘ylab 760 million dollar daromad yig‘di. Bu haqda kursiv.uz xabar berdi.
Film AQShda ikkinchi dam olish kunlari yana 64 million dollar daromad oldi. Tomoshabin oqimi pasayishi atigi 28 foizni tashkil etgani e’tiborga loyiqdir.
Taqqoslash uchun, “Avatar”ning ikkinchi qismi ikkinchi haftasida 52 foizga qisqarish kuzatilgan edi, bu esa katta relizlar uchun odatiy hol sanaladi. Uchinchi filmda bunday past pasayish tomoshabinlar orasida yuqori talab va filmni bir-biriga tavsiya qilish holatlarining kuchli ekanini ko‘rsatmoqda.
Avvalgi ikki “Avatar” filmi global miqyosda yetti hafta davomida yetakchilikni qo‘ldan bermagan va har biri 2 milliard dollardan ortiq daromad olib kelgan. Tahlilchilarning fikricha, “Olov va kul” ham bu muvaffaqiyatni takrorlashi ehtimoli yuqori.
Yangi ma’lumotlarga ko‘ra, “Avatar” trilogiyasining uch filmi hozirga qadar umumiy hisobda 6 milliard dollar daromad yig‘gan. Bu kino tarixida trilogiya ilk bor bunday ko‘rsatkichga erishgan holat sifatida qayd etilmoqda.
Shu bilan birga, Timoti Shalame bosh rolni ijro etgan “Marti Ajoyib” filmi ham muvaffaqiyatli start oldi. Film AQShda cheklangan prokatning birinchi haftasida 28 million dollar yig‘ib, A24 studiyasi tarixidagi eng yaxshi natijalardan birini qayd etdi.
Ushbu kartinaning xalqaro namoyishi, jumladan Rossiyada, kelasi yil yanvar oyiga rejalashtirilgan. Film ishlab chiqarish uchun 70 million dollar ajratilgan bo‘lib, uning moliyaviy muvaffaqiyati kelgusi haftalarda kassadagi barqaror natijalar bilan bog‘liq bo‘ladi.
