Izzatilla Shukurov Yangi yilni oilasi bilan nishonlaydi
Xonanda Izzatilla Shukurov jurnalistlar bilan bo‘lib o‘tgan suhbatda so‘nggi uch yil davomida Yangi yil bayramini oila davrasida kutib olmaganini aytib o‘tdi. Bu haqda Zamin.uz xabar berdi.
U bunga sabab qilib bayram kunlari sahna va tadbirlardagi faoliyatini keltirdi. Xonandaning ta’kidlashicha, ushbu yillar davomida u asosan el xizmatida bo‘lgan va oilasi bilan bayramni birga nishonlash imkoniga ega bo‘lmagan.
Biroq bu yil Izzatilla Shukurov Yangi yilni yaqinlari va oila a’zolari davrasida kutib olishni rejalashtirmoqda. U bayram kunidagi xizmat va tadbirlarni kunduzgi vaqtlarga ko‘chirish orqali ushbu rejasini amalga oshirishni maqsad qilganini ham qo‘shimcha qildi.
Suhbat so‘ngida xonanda hayotdagi eng katta ne’mat sog‘liq ekanini alohida ta’kidladi. Shu bilan birga, barcha yurtdoshlariga mustahkam sog‘liq, tinchlik, xotirjamlik va baraka tilab, o‘zining samimiy tilaklarini bildirdi.
