Shahzoda Muhammedova bolalik xotirasini video orqali jonlantirdi

Aktrisa Shahzoda Muhammedova ijtimoiy tarmoqlarda e’lon qilgan videosi orqali keng ommaning e’tiborini tortdi. Bu haqda Zamin.uz xabar berdi.

U mazkur videoda mashhur “Yolg‘on asirasi” seriali qahramoniga o‘xshash obrazda namoyon bo‘ldi. Shahzoda video ostiga qoldirgan izohida ushbu obraz uning bolalik xotiralari bilan bog‘liqligini aytdi.

Uning so‘zlariga ko‘ra, meksikalik aktrisa Gabriela Spanic onasi bilan tengdosh bo‘lib, u ijro etgan “La Usurpadora” seriali Shahzodaning bolalikda eng sevib tomosha qilgan filmlaridan biri bo‘lgan. Shuningdek, aktrisa yana bir qiziqarli ma’lumotni ochiqladi.

Ikki yil avval Gabriela Spanic Instagram orqali Shahzodaga obuna bo‘lgan. Bu voqea aktrisani juda xursand qilgan.

— O‘ylaymanki, o‘zbek aktrisasi ijrosidagi bu parodiya ularga ham manzur bo‘ladi, — deya izoh qoldirdi Shahzoda.