Izzat Shukurov 2026 yil uchun katta reja tuzdi
Izzat Shukurov 2025 yilni o‘z hayoti va ijodi uchun sermahsul yil sifatida baholadi. Bu haqda Zamin.uz xabar berdi.
Uning ta’kidlashicha, o‘tgan yilda o‘ylagan barcha niyatlari va maqsadlariga erishgan. San’atkor bu yilgi mehnatlari samarador bo‘lganini qayd etib, 2026 yil uchun ham katta rejalari borligini ma’lum qildi.
U yakkaxon konsert dasturini o‘tkazishni rejalashtirayotganini aytib, hozircha konsert sanasi aniqlanmaganini qo‘shimcha qildi. Shuningdek, Izzat Shukurov so‘nggi uch yil ichida Yangi yil bayramini oilasi bilan nishonlay olmaganini tan oldi.
Uning so‘zlariga ko‘ra, u bu davr mobaynida boshqa san’atkorlar qatori xalq xizmatida bo‘lgan. Ammo bu yil u Yangi yilni albatta oilasi bilan kutishni rejalashtirganini aytdi.
Shukurov xizmatlarini kunduzga ko‘chirishni rejalashtirganini va bayramni yaqinlari davrasida o‘tkazishini ta’kidladi. San’atkor hayotda eng muhim narsa sog‘lik ekanini alohida ta’kidlab, xalqimizga doimo sog‘-salomat bo‘lishni tiladi.
Suhbat davomida u 2025 yil davomida trendda bo‘lgan erkak san’atkorlardan G‘aybulla Tursunovni qayd etgan bo‘lsa, ayol san’atkorlarga e’tibor bermaganini aytib o‘tdi.
