Aysanem Yusupova 29 yoshini nishonlamoqda

Bugun iste’dodli va latofatli aktrisa Aysanem Yusupova o‘zining 29 yoshini nishonlamoqda. Bu haqda Zamin.uz xabar berdi.

U Instagram sahifasida tug‘ilgan kuniga bag‘ishlangan maxsus suratlarni joylashtirdi. Ushbu suratlarda aktrisa yorqin qizil kostyum, nafis qora to‘rli qo‘lqop va baland poshnali qizil tufli kiyib, o‘zining jozibador qiyofasini namoyon etgan.

Aysanem suratlariga qisqa izoh qoldirgan: "Bugun mening tug‘ilgan kunim." Aktrisaning minglab muxlislari uni ushbu quvonchli kun bilan tabriklab, iliq tilaklar yo‘llashmoqda. Ular izohlarda unga uzoq umr, baxt, ijodiy muvaffaqiyatlar va mustahkam sog‘lik tilamoqda.

Ma’lumot o‘rnida aytish mumkinki, Aysanem Yusupova 1997 yil 2 yanvarda Qoraqalpog‘istonning Nukus shahrida tug‘ilgan. Bugungi kunda u o‘zining betakror rollari bilan ko‘plab tomoshabinlarning qalbidan joy olgan iste’dodli ijodkorlardan biridir.