Hans Zimmer “Garri Potter” seriali uchun musiqa yaratadi
Mashhur bastakor Hans Zimmer va uning Bleeding Fingers Music studiyasi HBO tomonidan suratga olinayotgan “Garri Potter” seriali uchun saundtrek yaratadi. Bu haqda Zamin.uz xabar berdi.
Bu haqda Variety nashri xabar berdi. Ma’lum qilinishicha, yangi saundtrek “Garri Potter” franshizasining musiqiy an’analarini saqlagan holda, serial formatiga moslashtirilib qayta talqin qilinadi.
Hans Zimmerning aytishicha, bunday loyiha katta mas’uliyat talab qiladi va jamoa bu vazifani chuqur anglab, jiddiy yondashmoqda. “Sehr hamma joyda bor, lekin uni his qilish uchun e’tibor kerak.
‘Garri Potter’ dunyosidagi sehrni his qilish uchun musiqa tomoshabinni shu olamga olib kirishi muhim”, — deydi Zimmer. Eslatib o‘tamiz, “Garri Potter” filmlari uchun musiqani avval Jon Uilyams, Patrik Doyl, Nikolas Xuper va Aleksandr Despla kabi taniqli bastakorlar yaratgan edi.
Zimmerning so‘nggi yirik ishlari orasida “F1” filmi uchun yozilgan saundtrek bor. Ushbu ishi uchun u Oskar mukofotiga nomzod bo‘lgan.
Shuningdek, yaqin kunlarda uning musiqasi yangraydigan “Eyforiya” serialining yangi mavsumi va “Dyuna” filmining uchinchi qismi premyera qilinishi ham kutilmoqda.
