Samandar Hamroqulov oiladagi ishonch haqida so‘zladi

Taniqli aktyor va xonanda Samandar Hamroqulov o‘zining turmush o‘rtog‘i bilan bo‘lgan munosabatlari haqida ochiq fikr bildirdi. Bu haqda Zamin.uz xabar berdi.

U muhabbat va oila qurish borasidagi qarashlari bilan o‘rtoqlashar ekan, turmush o‘rtog‘i avvallari rashkchi bo‘lganini, ammo vaqt o‘tishi bilan bu hisning yo‘qolganini ta’kidladi. “Rafiqam meni juda sevadi, lekin o‘ziga yarasha rashk qilardi.

Hozir esa oramizda chuqur ishonch bor. Allohga shukr, agar 10 yilga safarga ketsam ham, u mening xiyonat qilmasligimga ishonadi va qalbi xotirjam bo‘ladi,” — deydi Samandar.

Shuningdek, aktyor turmush qurishidan avval qilgan duosi haqida ham so‘zlab berdi. “Men Allohdan shunday rafiqa so‘ragandimki, umrim oxirigacha bir ayol bilan yashay, hech qachon nafsimga ergashib xato qilmay.

Yaxshi xotin erkak uchun haqiqiy baxt va barakadir,” — deya o‘z fikrini bildirdi Samandar Hamroqulov. Uning so‘zlariga ko‘ra, oila mustahkamligi va bir-biriga bo‘lgan ishonch hayotdagi eng muhim qadriyatlardan biridir.