Aziza Begmatova homiladorlik sirlarini oldindan biladi
O‘zbekiston xalq artisti Aziza Begmatova o‘zining noyob qobiliyati haqida so‘zlab berdi. Bu haqda Zamin.uz xabar berdi.
Aktrisa o‘zbek kinosida “checha” obrazlari orqali muxlislar qalbidan joy olgan bo‘lib, yaqinda “Omon-omon” ko‘rsatuvida ichki sezgi qobiliyatiga ega ekanini ma’lum qildi. Aziza Begmatovaning aytishicha, u homilador ayollarning yuziga qarab, tug‘ilajak farzandining jinsi – o‘g‘ilmi yoki qizmi – ekanini oldindan bilib ayta oladi.
Bu qobiliyatidan ko‘plab san’atkorlar ham foydalanganini ta’kidladi. “Men yuziga qarab ayoldan qiz yoki o‘g‘il tug‘ilishini oldindan bilib aytaman.
Juda ko‘p san’atkorlarga ham aytganman. Lekin bu sirni hech kimga ochib bermayman”, – deydi Aziza Begmatova.
Aktrisa bu qobiliyatni qanday aniqlashi haqida batafsil ma’lumot bermagan bo‘lsa-da, uning bu gaplari tomoshabinlar orasida katta qiziqish uyg‘otmoqda. Ko‘pchilik bu noyob sezgi qobiliyatining sababi va asosini bilishga qiziqmoqda.
