Nilufar Usmonova "Bilmayman" qo‘shig‘ini taqdim etdi
Xonanda Nilufar Usmonova 2-fevral kuni yangi qo‘shig‘ini tinglovchilarga taqdim etdi. Bu haqda Zamin.uz xabar berdi.
Qo‘shiq "Bilmayman" deb nomlanib, uning matni Farida Bo‘tayeva tomonidan yozilgan, musiqasi esa Nodir Zoitovga tegishli. "Bilmayman" qo‘shig‘i nafaqat bir ibora, balki unda insonning kelajakka bo‘lgan umidlari va xavotirlari, sevgi va ikkilanishlar kabi murakkab his-tuyg‘ulari aks etgan.
Ushbu tarona tinglovchini ichki dunyosiga chuqurroq nazar tashlashga, o‘tmishdagi xotiralar va kelajakdagi orzular haqida o‘ylashga undaydi. Musiqiy asarning har bir notasi tinglovchiga alohida ta’sir ko‘rsatadi.
Qo‘shiq chiqarilganidan so‘ng qisqa vaqt ichida katta ommalashdi va bir kun ichida 4 ming martadan ortiq tinglandi. Tinglovchilar tomonidan iliq qarshi olingan ushbu tarona Nilufar Usmonovaning ijodidagi yana bir muvaffaqiyatli asar bo‘ldi.
