Durdona Qurbonova bo‘lajak turmush o‘rtog‘i haqida gapirdi
Aktrisa Durdona Qurbonova yaqinda bergan intervyusida bo‘lajak turmush o‘rtog‘i qanday fazilatlarga ega bo‘lishi kerakligi haqida fikr bildirdi. Bu haqda Zamin.uz xabar berdi.
U o‘zini rashkchi va qizg‘anchiq inson deb ta’riflar ekan, kelajakdagi umr yo‘ldoshini shou-biznes vakillari orasidan tasavvur qila olmasligini ta’kidladi. Aktrisaga ko‘ra, uning turmush o‘rtog‘i biznesmen yoki tadbirkor bo‘lsa, ko‘proq ma’qul bo‘ladi.
Shuningdek, Durdona Qurbonova turmush o‘rtog‘ining yoshi o‘zi bilan teng yoki undan katta bo‘lishi kerakligini aytib o‘tdi. U bu borada o‘z qarashlarini quyidagicha izohladi: "Yonimda bo‘lganida uning mendan kattaligini sezib turishim muhim.
Uning dunyoqarashi keng va fikrlashi mening darajamdan yuqori bo‘lishi kerak. Agar mendan yoshroq bo‘lsa, unga doim maslahat berishimga to‘g‘ri keladi, bu esa biroz noqulaylik tug‘diradi." Aktrisa hayotda o‘ziga mos inson topish masalasida jiddiy qarashlarga ega ekanini ochiq-oydin ifoda etdi.
