Hamdam Sobirovni mashhur qilgan qo‘shiq qaysi?
Xonanda Hamdam Sobirovga berilgan intervyulardan birida: “Sizni eng mashhur qilgan qo‘shig‘ingiz qaysi?” degan savol bilan murojaat qilishdi. Bu haqda Zamin.uz xabar berdi.
San’atkor bu savolga ochiq va samimiy javob berdi: — Meni mashhur qilgan qo‘shig‘im bu — “Maktabimda”, — dedi u. Biroq bu javob muxlislar orasida turli munozaralarga sabab bo‘ldi.
Ijtimoiy tarmoqlarda ko‘plab tinglovchilar Hamdam Sobirovni aynan “Tentakcham” qo‘shig‘i orqali taniganlarini yozib qoldirishdi. Shu bilan birga, yana bir guruh muxlislar xonandaning “Holimga qara” nomli taronasi ularni san’atkorga mehr qo‘yishga undaganini ta’kidlashdi.
Natijada, xonandaning qaysi qo‘shig‘i uni ommaga tanitganiga oid fikrlar turlicha bo‘lib chiqdi. Bu esa muxlislar orasida qiziqarli bahs-munozaralarning yuzaga kelishiga olib keldi.
