“Tom va Jerri” multfilmi 86 yoshga to‘ldi
Bugun, 10 fevral kuni, dunyo bo‘ylab millionlab odamlarning bolalik xotiralari bilan bog‘liq bo‘lgan mashhur “Tom va Jerri” multfilmi 86 yoshga to‘ldi. Bu haqda Zamin.uz xabar berdi.
Ushbu multfilmni tomosha qilib, Tom va Jerrining quvnoq quvg‘inlaridan zavqlangan lahzalarimiz hali-hanuz yodimizda. “Tom va Jerri”ning birinchi qismi 1940 yil 10 fevralda namoyish etilgan.
Bu sana nafaqat multfilm tarixida, balki butun bir avlodning bolalik kayfiyati va hazillari shakllangan kun sifatida ahamiyatlidir. Multfilm qahramonlari — Tomning doimiy rejalarini amalga oshirishga urinishi va Jerrining ajoyib chaqqonligi — tomoshabinlarga betakror zavq bag‘ishlab kelgan.
Tom va Jerrining hikoyalari oddiy, lekin ta’sirchan uslubda yaratilgani bois, har bir epizod muxlislar qalbida alohida o‘rin egallagan. Qiziqarli tomoni shundaki, ushbu multfilmda so‘zlar kam ishlatilgan, ammo emotsiyalar juda boy.
Shu sababli “Tom va Jerri” dunyoning turli burchaklaridagi millionlab odamlar uchun barcha tillardan ustun bo‘lgan universal asarga aylangan.
