Diyora Keldiyorova oilasi bilan Parijda dam olmoqda
O‘zbekistonlik taniqli dzyudochi Diyora Keldiyorova hozirda turmush o‘rtog‘i va farzandi bilan Fransiyaning Parij shahrida dam olmoqda. Bu haqda Zamin.uz xabar berdi.
Bu haqda sportchi o‘zining ijtimoiy tarmoqlardagi sahifasida ma’lum qildi. Diyora Parijdan bir nechta surat va videolarni ham e’lon qilgan.
Ularda uning oilaviy dam olish lahzalari hamda Parijdagi diqqatga sazovor joylarda tushgan suratlari aks etgan. Muxlislar sportchining ushbu dam olishiga iliq tilaklar bilan izohlar yozib, unga yaxshi kayfiyat tilashmoqda.
Eslatib o‘tamiz, Diyora Keldiyorova Osiyo va jahon miqyosidagi ko‘plab musobaqalarda O‘zbekiston sharafini munosib himoya qilib kelmoqda. U xalqaro maydonlarda erishgan yutuqlari bilan nafaqat yurtimizda, balki butun dunyoda e’tirof etilgan.
