Zuhra Soliyeva: Meni mashhur qilgan film – “Boyvachcha”
Aktrisa Zuhra Soliyeva bilan suhbat davomida unga "Sizni mashhur qilgan film qaysi?" degan savol berildi. Bu haqda Zamin.uz xabar berdi.
Aktrisa bu savolga hech ikkilanmay, “Boyvachcha” filmini tilga oldi. Unga ko‘ra, aynan shu film uning ijodida muhim burilish yasagan va uni keng jamoatchilikka tanitgan.
“Rostini aytsam, meni mashhur qilgan asar ham o‘sha film bo‘lgan. Oldinlari qayerga bormay, odamlar meni ‘qoshlaringga bit tushgurni aytgan ayol’ deb chaqirishardi.
Endi esa ko‘pchilik mendan shunchaki kulib berishimni so‘raydi. Buni eshitsam, o‘zimning ham kulgim keladi va albatta kulib beraman”, — deydi aktrisa samimiy tarzda.
Zuhra Soliyevaning so‘zlariga ko‘ra, tomoshabinlarning iliq munosabati unga ilhom bag‘ishlaydi va san’atga bo‘lgan mehrini yanada kuchaytiradi. U o‘z ishini sevib bajarishini va tomoshabinlarning e’tibori unga katta motivatsiya berishini ta’kidladi.
