“Formula-1” filmi davomi ustida ish boshlandi

“Formula-1” haqida Bred Pitt ishtirokidagi filmning davomi rasmiy ravishda ishlab chiqilmoqda. Bu haqda Zamin.uz xabar berdi.

Loyiha prodyuseri Jerri Brukxaymer BBC News’ga bergan intervyusida ushbu filmning davomiy qismi ustida ishlar boshlanganini ma’lum qildi. Brukxaymerning aytishicha, hozirda ssenariy ustida faol ish olib borilmoqda.

Syujet, konsepsiya va aktyorlar tarkibi bo‘yicha turli g‘oyalar muhokama qilinmoqda. Oldinroq filmning muvaffaqiyati sabab uning davomi suratga olinishi mumkinligi haqida gap-so‘zlar tarqalgan edi.

Endilikda esa bu ma’lumot rasmiy tasdiqlandi. O‘tgan yil yozida namoyish etilgan “Formula-1” filmi jahon bo‘ylab 630 million dollar daromad keltirdi.

Shuningdek, bu Apple Original Films tomonidan yaratilgan eng muvaffaqiyatli loyiha bo‘ldi. Film “Eng yaxshi film” nominatsiyasida “Oskar” mukofotiga nomzod sifatida ko‘rsatildi.

Film syujeti 62 yoshli tajribali poygachi Sonni Xeyz (Bred Pitt) haqida bo‘lib, u uzoq tanaffusdan so‘ng Formula-1 poygasiga qaytadi. Film rejissori Jozef Kosinski bo‘lib, loyiha hamprodyuseri yetti karra jahon chempioni Lyuis Xemiltondir.