Xusnora: Sayohat — shaxsiy o‘sishning eng yaxshi yo‘li
Xusnora 2025 yilni o‘z hayotidagi eng unutilmas davrlardan biri sifatida esladi. Bu haqda Zamin.uz xabar berdi.
U yil davomida turli mamlakatlar va qit’alarga sayohat qilganini, bu safarlar unga ko‘plab yangi taassurotlar va xotiralar berganini ta’kidladi. Xususan, u shimoliy yog‘dularni ko‘rgani, yana Islandiyaga tashrif buyurgani, Afrika qit’asida bo‘lgani va tabiat mo‘jizalari bilan mashhur Kamchatkaga safar qilganini qayd etdi.
— Men uchun eng qadrli sayohatlar bu insonni ruhan boyitadigan va ommaviy bo‘lmagan yo‘nalishlardir, — dedi Xusnora. Jurnalistning “Sayohat insonga nima beradi?” degan savoliga javob berar ekan, u har bir safar insonning dunyoqarashini kengaytirishini, fikrlash tarzini o‘zgartirishini va shaxsiy rivojlanishiga hissa qo‘shishini aytdi.
— Sayohat insonni hayotga boshqacha nazar bilan qarashga o‘rgatadi. Menimcha, shaxsiy o‘sish uchun eng yaxshi sarmoya — bu sayohatlarga qilingan sarmoyadir.
Sayohat orqali inson nafaqat yangi joylarni kashf etadi, balki o‘zini ham chuqurroq anglay boshlaydi, — deya o‘z fikrlarini bildirdi u.
