Munisa Rizayeva va Rayhon dugonaligi yakunlanganini aytdi
Xonanda Munisa Rizayeva o‘zining Rayhon G‘aniyeva bilan munosabatlari haqida savollarga aniqlik kiritdi. Bu haqda Zamin.uz xabar berdi.
Bu haqda u "Darakchi" nashriga bergan intervyusida ma’lum qildi. Jurnalist tomonidan unga: "Siz va Rayhon yaqin dugona edingiz.
To‘yingizdan keyin u sizni chaqirdi yoki chaqirmadi, degan turli mish-mishlar tarqalgan. Shu masalaga o‘zingiz aniqlik kiritsangiz", degan savol berildi.
Munisa Rizayeva bu savolga quyidagicha javob berdi: "Biz dugonalik munosabatlarimizni ancha oldin yakunlaganmiz. Men o‘z yo‘limda, u ham o‘z yo‘lida.
Umuman olganda, Rayhon haqida hech qanday izoh bermoqchi emasman. U o‘zi uchun javobgar, men esa o‘zim uchun".
Shu tariqa, xonanda o‘zaro munosabatlar bo‘yicha ortiqcha gap-so‘zlarga oydinlik kiritishni istamadi.
